شخص 1 : يااه شوفت محمد صاحبنا ده ,, ده طيب اوي الراجل ده
شخص 2 : طيب ايه يا عم ؟ ده اهبل ,, ده الناس كلها واكله حقه !
**********************************
ده اللي بشوفه بيحصل و بسمعه بودنتيني دول !!
خلاص معدش فيه طيبة ؟
و الطيب نقول عليه اهبل ؟
بس اللي اعرفه ان فيه فرق كبير بين الطيب و الاهبل
الطيب حد سايب حقه و هو عارف انه سايب حقه و مش عاوز يعمل مشاكل عشان هو طيب
الاهيل : الناس بتضحك عليه و حقه بيضيع منه و هو مش عارف انه حقه بيضيع منه
بس دلؤتي خلاص الطيب بقت الناس بتعتبره اهبل
مجرد فكرة انك تسيب حقك دي بقت هبل
حتي لو مش عاوز تعمل مشكلة
او خايف علي مشاعر حد
بردو تبقي اهبل و عبيط
زمان يجي من عشرين سنة او اكتر
امي حكتلي موقف حصل
اخويا الكبير - الله يرحمه - كان معاها و هي راجعة من الشغل و كان طفل ما يعديش عمره 3 سنين
و كان بابا الشركة مدياله عربية بسواق عشان مغتربين
فالسواق بيهزر مع اخويا - الله يرحمه - فراح مطرقعله ودانه
فراح اخويا بص لماما فماما قالتله قول لعمو : الله يسامحك
قالها الله يسامحك ايه يا مدام ؟!
بلاش تطلعوا الولد ضعيف
اللي يضربه قوليله اضربه و خد حقك
قالتله : بس ده ما ينفعش حتي يعني احترام الكبير
قالها لا كبير و لا صغير يا مدام
خلاص مفيش حاجة اسمها احترام ، ما تربوش الواد علي انه يطلع عبيط !!
متصورة يا مذكراتي ، حوار من حوالي 25 سنة كان بالشكل ده المفروض دلؤتي بقي نعمل ايه ؟
امشي ابني بمطواة قرن غزال في جيبه ، و لا الموس تحت لسانه ؟
ربنا يسترها علينا
و لا عزاء للطيبين
فكرتيني بموضوع كنت كاتبه زمان بعنوان "طيبون ولكن"
ردحذفده اللينك بتاعه لو حبيتي تقريه
http://doctoranakeda.blogspot.com/2008/07/blog-post_11.html
بس بجد هي بقت حاجه تزعل
لما يبقى الطيب المتسامح "عبيط"
ولما يبقى بتاع المشاكل "مدردح"
ربنا يهدي
طيبون و لكن : بوست جميل جدا
ردحذفو وضح نفس الفكرة بس باسلوب كاتب محترم مثقف
خلاص الموازين اتقلبت و كل شئ اتغير
و بقت الطيبة سذاجة و عبط
ربنا يسترها
بصى هو اللى يضحك عليه مرة يبقى طيب
ردحذفانما يضحك عليكى مرتين من نفس الحد يبقى سورى يعنى حد ساذج
المفروض احنا مانبقاش كده
اللى انا بشوفه فى فكر الناس غلط من رايى نقطتين
اولا
ان الناس فاكرة انى لما اسيب حقى يبقى طيبة سواء فى لحظة ضعف او قوة
يعنى تلاقى حد مش قادر اصلا يقول لحد انت غلطت فى حقى فى كذا و كذا و يقولك اصل انا طيب
لا دى مش طيبة دى اسمها ضعف
النقطة التانية
لما اسيب حقى بمزاجى زى ما قلتى و انا قادرة اخده دى نقدر نقول عليها طيبة بس الموضوع مايتحولش لضعف برده
بصى هو كل واحد عنده قيم معينة فى دماغه ممكن تلاقى حد يقولك ع الشيطان غلبان و ع الغلبان شيطان
و كل واحد بيشوف اللى عاوز يشوفه
بينى و بينك
مابقتش بهتم بالناس فى النقط دى ولا بحاول ادخل فى جدال اصلا بقيت بسمع و خلاص حتى لو انا اللى اتقال عليا كلام مش كويس
تدوينة تحفففففففففة يا دكتور
شموخ : حبيبتي انتي جيتي لنقطة مهمة و هي الفرق بين الضعف و الطيبة , فيه ناس بتعلق ضعفها علي الطيبة ,, بس ده اخد الطيبة شماعة
ردحذفربنا يخليكي علي مجاملتك :)
منورة يا حبيبتي و كل سنة و انتي طيبة لحد لما اكلمك :)